“Монгол судлал: Уламжлал ба орчин үе” сэдэвт Монголч эрдэмтний XIII Их хурал Төрийн ордонд болж, 30 орны 570 гаруй эрдэмтэн, судлаач оролцлоо. Хурлын хүрээнд хэл, археологи, соёл, утга зохиол, угсаатны зүй, уламжлалт мэдлэг, орчин үеийн нийгэм, гадаад харилцааны чиглэлээр 530 гаруй илтгэл хэлэлцэхээр төлөвлөжээ.
Ерөнхийлөгч У.Хүрэлсүх монгол судлаачдыг бодит мэдлэгийг дэлхий дахинд түгээж, Монголыг гадаад ертөнцтэй холбох эрдмийн элч хэмээн үнэлэв. Тэрээр салбарын үе хоорондын залгамж холбоог бэхжүүлэхэд онцгой анхаарахыг уриаллаа. Оролцогчдын нас 25-аас 92-ын хооронд байсан бөгөөд дэлхий даяар 4,000 орчим эрдэмтэн, судлаач монгол судлалын чиглэлээр ажиллаж байгааг дурдсан байна.
Эх сурвалж
- Өдрийн сонин (DNN.mn) 2026.08.10