“Дэлхийн адууны өдөр”-ийн олон улсын уралдааны уяачдад шагнал гардуулав

Ерөнхийлөгч У.Хүрэлсүх “Дэлхийн адууны өдөр”-ийг тохиолдуулан зохион байгуулсан Ерөнхийлөгчийн нэрэмжит цомын төлөөх олон улсын хурдан морины уралдаанд амжилт гаргасан уяачдад шагнал гардуулав. Энэхүү арга хэмжээ Монголын адууны соёл, өв уламжлалыг олон нийтэд таниулах зорилготой байлаа.

Түрүүлсэн хүлгийг уясан Төв аймгийн Алтанбулаг сумын уяач Гансүхийн Хадбаатар “Нарны хүлэг” цом, Алтан гэрэгэ хүртжээ. Айрагдсан хүлгүүдийн дөрвөн уяачид Мөнгөн гэрэгэ гардуулсан байна. Ерөнхийлөгч уяачид, тэдний гэр бүл, хамт олон болон уралдаанч хүүхдүүдэд талархал илэрхийлэв.