Байгаль орчин, уур амьсгалын өөрчлөлтийн сайд Монгол орны цөлжилтийн үндэсний шинэчилсэн атласыг наймдугаар сарын 12-ны Засгийн газрын хуралдаанд танилцуулав. Энэ нь 1991–2025 оны мэдээлэлд тулгуурласан, улсын хэмжээний зургаа дахь үнэлгээ бөгөөд хиймэл дагуул, зайнаас тандан судлал, газар зүйн мэдээллийн систем, орон зайн шинжилгээг ашиглажээ.
Атлас нь газар хамгааллын бодлого болон НҮБ-ын Цөлжилттэй тэмцэх конвенцын хүрээнд тайлагнах шинжлэх ухааны үндэс болно. Үнэлгээгээр Монгол орны нийт нутаг дэвсгэрийн 81.9 хувь ямар нэг хэмжээгээр цөлжилт, газрын доройтолд өртөж, 93.3 хувьд хөрсний чийг буурсан байна. 2020 онтой харьцуулахад өртсөн талбай таван нэгж хувиар нэмэгдсэн ч хүчтэй болон нэн хүчтэй ангиллын эзлэх хувь 16.2 нэгжээр буурчээ.
Эх сурвалж
- MONTSAME News Agency 2026.08.12